Денис Тенді пышақтаған күдіктілердің біреуі ұсталды - «Qazaqstan» Ұлттық телеарнасы

Денис Тенді пышақтаған күдіктілердің біреуі ұсталды

20.07.2018

Олимпиада жүлдегері, мәнерлеп сырғанаушы Денис Тенді пышақтаған күдіктілердің біреуі ұсталып, қорғаушылардың қатысуымен кінәсін мойындады. Ол 1994 жылы Жамбыл облысында туған Нұралы Қиясов. Бұрыннан бері кәнігі ұры ретінде құзырлы органдардың есебінде тұр.  Күдікті уақытша ұстау изоляторына қамалды. Ал, екінші күдіктінің кім екендігі анықталып, суреті де жарияланды. Алматы қаласы прокурорының сөзінше, адам қазасына себеп болған оқиғаға қатысты Қылмыстық кодекстің «Пайдакүнемдік ниетпен топ болып кісі өлтіру» бабы бойынша іс қозғалды. Қазір екінші күдіктіні іздеуге Ішкі істер органдарының жеке құрамы мен басқа да аумақтық органдардың күші жұмылдырылды.

 

Алмат ӘБДІРАМАН

Хабарламаларға жазылу