EXPO-2017 туризмді дамытудың локомотивіне айналады 

«Астана ЭКСПО-2017» Ұлттық компаниясы еліміздің 50-ге жуық турагенттігімен келісімге қол қойды. Бұл туралы халықаралық көрме аясында қазақстандық туризмді дамытудың жай-жапсарын талқылаған жиында айтылды.

EXPO көрмесін 5 миллион адам тамашаласа, оның 15 пайызын шетелдіктер құрамақ. Демек, туристерді тартып, ішкі туризмді дамытудың сәті туды. Бұл ретте отандық туроператорлар жұмыс істеуге әзір.