Елордада патриоттық тәрбие беру жолдары сараланды

Патриоттық рухты дамыту жолдары бүгін Астанадағы 66/36 әскери бөлімшесінде талқыланды. Ақмола гарнизонының әскери бөлімшелерінің командирлері және психологтар атқарылған жұмысты қорытындылап, алдағы жоспарларымен бөлісті. Елбасының «Болашаққа бағдар, рухани жаңғыру» бағдарламасында патриоттық рухты көтеру мәселесіне баса мән берілген. «Бұл ретте, Отан алдында борышын өтеп жүрген сарбаздар арасында идеологиялық тәрбиені нығайту маңызды», - дейді қолбасшылар. Жалпы, жиын нәтижесі бойынша түрлі саладағы өзекті мәселелер сараланып, арнайы резолюция қабылданды.    

Елдос САПАРҒАЛИ