«ЭКСПО» көрмесінде Фиджи аралдарының ұлттық күні өтті - «Qazaqstan» Ұлттық телеарнасы

«ЭКСПО» көрмесінде Фиджи аралдарының ұлттық күні өтті

17.08.2017

Тынық мұхитында орналасқан мемлекеттен қазақ жеріне ел премьер-министрі бастаған 50-ден астам өнер ұжымы келді. Алдымен ресми делегация сөз сөйлеп, кейін фиджилықтар өз дәстүрлерін көрсете бастады. Аралда мәртебелі меймандарды ерекше қарсы алады екен. Еліміздің Сыртқы істер министрі Қайрат Әбдірахмановты олар сахнаға шығарып, ежелден келе жатқан кава дәстүрін көрсетті. Фиджидің байырғы тұрғындары сыйлы қонақтың алдында көне тілде өлең айтып, кейін оған арнайы қайнатылған кокос жаңғағының суын ішкізеді. Одан соң барлығы бірдей шапалақтап бар дауыспен «Була» деп айқайлайды. Бұл фиджи тілінде «Сәлеметсіз бе» деген мағынаны білдіреді. Ұлттық күн аясында арал тұрғындары бірнеше  концерттік бағдарлама дайындады. 

Хабарламаларға жазылу