«EXPO 2017 Football Cup» турнирінде Қазақстан құрамасы 4-орынды иеленді (ВИДЕО)

«EXPO 2017 Football Cup» турнирінде Қазақстан құрамасы Португалиядан жеңілді.

Турнирдің қола жүлдесі үшін болған ойын 13:7 есебімен аяқталды. Португалдықтардың сапынан Манише мен Педру Мендеш хет-трик авторлары атанса, Фернанду Мейра, Нуну Асиш және Мигел дубль жасады, тағы бір голды Жозе Домингеш соқты.

Өз кезегінде Қазақстан құрамасынан Андрей Карпович хет-трик жасаса, Андрей Финонченко екі голдың авторы атанды. Сонымен қатар, Мұрат Тілешев пен Максим Самченко қарсылас қақпасына бір-бір голдан соқты.

Осылайша, Португалия командасы EXPO-2017 Football Cup турнирінің қолда жүлдегері атанды, ал, Қазақстан төртінші орынды қанағат тұтты.
Естеріңізге саламыз, ойынды «Kazsport» телеарнасы тікелей эфирде көрсетті.