Сауда нүктелерінде қияр мен қызанақтың бағасы күрт көтеріліп кеткен

Қызанақ пен қиярды соңғы кездері екінің бірі дастарханға қоя бермейтін болды. Себебі, бағасы қымбаттап кетті. Тіпті кейбір жұрт оны қазаққа таңсық фуагра, лобстер сынды теңіз тағамдарының құнымен салыстырып, әзілге қосып жүр. Сейсенбідегі үкімет отырысында бұл туралы Ұлттық экономика министрі Руслан Даленов та айтып қалды. «Бақылап жатырмыз, арнайы бағалар мониторингі де жүргізілді, енді монополия агенттігіне тапсырма берілді», деп ақталды. Әзірге бұл жұмыс тізбегі жалғасып жатқанда қарапайым тұрғындар мерекелік дастархан үшін қалтасынан қағылуға мәжбүр. Базардағы сатушылардың көңілдері пәс. Саудасы азайып, табысы кеміп кеткенге ұқсайды.

Шерхан ЖАМБЫЛҰЛЫ