Әлеуметтік инфрақұрылымды дамытуға күш салынады

«Nur Otan» партиясының съезінде Үкіметке жүктелген тағы бір міндет 2 миллионнан астам адамның жағдайын жасауға мүмкіндік береді. «Елдің барлық өңірінде электр жарығына, ауызсуға, көгілдір отынға қол жеткізе алмай отырған жұрттың мәселесі жақын жылдары түбегейлі шешіледі», - деді партия төрағасы. Бұл ретте Мемлекет басшысы Үкіметке әлеуметтік инфрақұрылымды дамыту бойынша нақты тапсырмалар берді. Алдағы жылдары Астана, Алматы, Шымкент сияқты ірі қалалардың іргесіндегі елді мекендерге инфрақұрылым тартуға қазынадан қыруар қаражат бөлінеді.