Қарағандыдағы шағын қалалардың жылу жүйесі тозғалы қашан? - «Qazaqstan» Ұлттық телеарнасы

Қарағандыдағы шағын қалалардың жылу жүйесі тозғалы қашан?

15.01.2017
Осы аптада Үкімет сағатында Қарағанды облысының жылыту маусымына дайын еместігі айтылды. Премьер-министр Бақытжан Сағынтаев өңірдегі бұл мәселеге қатысты бұған дейін де бірнеше мәрте сын айтқан болатын. Рас, биылғы жылу маусымы басталғалы облыстағы ахуал оңбай тұр. Қараша түспей жатып, Арқаға жеткен күшті аяз қоңырсалқын үйде отырған теміртаулықтардың берекесін алды.

Ал, Жаңа жыл қарсаңында құрышты қаладағы жылу энергия орталығында ақау шығып, азынаған суық мерекелік көңіл-күйді су сепкендей басты. Жаңа жылдың алғашқы күні Қарағанды облысында қайғылы оқиға болды. Шахан кентінде көпқабатты үйдің бір бөлігі опырылып құлады. Жантүршігерлік апаттан 9 адам көз жұмды. Бұл оқиға облыстағы жылуға қатысты жылдар бойы қордаланған мәселелердің бетін ашты.


Руслан НҰРЛАНҰЛЫ

Хабарламаларға жазылу