Мемлекет басшысының Жарлығымен бірқатар кадрлық тағайындаулар болды

13.12.2015
Мемлекет басшысының Жарлығымен бірқатар кадрлық тағайындаулар болды
Елбасы өкіміне сай, ҚР Мемлекеттік қызмет істері министрлігін Талғат Донақов басқарады.

Жұма күні ҚР Мемлекеттік қызмет істері дейтін жаңа министрлік құрылды. Соған сәйкес, Мемлекет басшысының Жарлығымен бірқатар кадрлық тағайындаулар болды.

Елбасы өкіміне сай, жаңа министрлікті Талғат Донақов басқарады. Тиісінше, ол Президент Әкімшілігі Басшысының орынбасары қызметінен босатылды. Оның орнына Президент Әкімшілігі Басшысының орынбасары болып Марат Бекетаев тағайындалды.

Ал, Қайрат Пернешұлы Қазақстан Республикасының Мемлекеттік қызмет істері министрлігінің Сыбайлас жемқорлыққа қарсы іс-қимыл ұлттық бюросының төрағасы болды.

Бұдан бөлек, Президент өкімімен Анатолий Смолин ҚР Жоғарғы Сот Кеңесінің Төрағасы қызметіне тағайындалды. Ал, Әлихан Смайылов Қазақстан Республикасы Президентінің көмекшісі қызметін атқаратын болады.

Әсем ИЗАТҚЫЗЫ


Хабарламаларға жазылу