Жаңалықтарды Telegram арнамыздан оқыңыз!
Қазір Астананы айнала жайқалған жасыл желектің ауданы 70 мың гектардан асты. Бұл жерінің 4 пайызы ғана орманды алқапты алып жатқан Қазақстан үшін қаншама ерен еңбек екені айтпаса да түсінікті.
Есілдің бойын ен тоғай ету үшін Елбасы орман алқабын Шортандыға дейін жеткізуді тапсырған. Жалпы аумағы 114 мың гектар жерге зерттеу жасаған «жасыл аймақ» мамандары осы аумаққа түгел жасыл желек отырғызуды жоспарлап отыр.
Қазір жыл сайын осы аумақтың 15 мың гектары жыртылып, топырағы өңделеді.
Қазір Астананың айналасындағы орманды алқапта қарағай, шетен, қайың, қарағаш, терек, тал, алма сияқты 26 түрлі ағаш өседі. Әрі соңғы жылдары жасыл желекті паналайтын жан-жануарлар да көбейді.
Жұрт жеміс-жидегін де осы орманнан теріп жүр.
