Орта мектепте ата аналар форумы өтті - «Qazaqstan» Ұлттық телеарнасы

Орта мектепте ата аналар форумы өтті

20.09.2018

«Үйде отырып, үйдей іс тындырып жүрген ең үздік аналарды «100 жаңа есім» жобасына енгізіп, өзгелерге үлгі етуді қолға алу керек. Себебі, ұлт болашағын тәрбиелеп, білімді ұрпақ қалыптастыратын солар», - дейді Астана қалалық Ата-аналар форумына қатысушылар. Сондай-ақ, жиында бала тәрбиесіндегі ер азаматтың алатын орны сөз болып, оның салдары сарапқа салынды. Мұғалімдер қауымы тіпті ұл-қызының күнделігін тексермейтін әкелердің көп екенін айтып, оларды белсенді болуға шақырды. Өткір тұрған тағы бір мәселе, ер мұғалімдердің тым аздығы. Осыларды алға тартқан ата-аналар арнайы үндеу қабылдап, оны құзырлы органдарға жеткізетін болып келісті. Шара соңында келушілер көрмені тамашалады. Мұндағы заттардың барлығы қаладағы төртінші мектеп гимназиясы оқушыларының қолымен жасалған.

 

Досымжан ЕРМҰРАТ

«YouTube»-тағы «Qazaqstan TV» арнасына жазылып, AppStore және Google Play сервистерінен «Qazaqstan TV» мобильді қосымшасын тегін жүктеп алыңыз.

Хабарламаларға жазылу