Боливияда қалың қар жауып, әуе рейстері тоқтады

Боливия тұрғындары ерекше ауа райының куәсі болды. Елдің Эль-Альто және Ла-Пас қалалары ақ ұлпа қарға оранды. Бұл өңір үшін таңсық құбылысқа жұрт таңданысын жасырмады. Қолайсыз ауа райына байланысты, аталған қалаларда халықаралық әуе рейстері доғарылған. Сонымен қатар, таулы аудандардағы жолдар мұз қатуына байланысты жабылып, көшелерде кептеліс байқалды.
Жергілікті синоптиктердің хабарлауынша, алдағы уақытта тағы қар жаууы мүмкін. Сондықтан, адамдарға жылы киініп, жолдарда сақ болу ескертілді. 

Жансая ҚАПАСҚЫЗЫ