Жаңалықтарды Telegram арнамыздан оқыңыз!Мексикада ЮНЕСКО Әлемдік мұра нысандарының тізіміне кіретін Сиан-Каан қорығын өрт шалды. Соның салдарынан 2500 гектар алқаптағы ағаштар мен жасыл желек жанып кетті.
Тілсіз жаумен күресу үшін 7 өрт сөндіру бригадасы, 100 шақты адам мен тікұшақ жұмылдырылған. Мамандар өртке аңшылар кінәлі болуы мүмкін дейді. Себебі,жыл басынан бері қорғалатын аумақта 9 орман өрті тіркелген. Олардың ішінде кісі қолынан болғандары да бар. Қорық басқарушысының айтуынша, өсімдік әлемін қалпына келтіру үшін кемінде 200 жыл қажет.
Сиан-Каан ЮНЕСКО-ның Әлемдік мұра тізіміне 1987 жылы енген. Ол – құстар мен жануарлардың көптеген түрлері үшін тіршілік мекені. Сонымен қатар, резерват аумағында майя өркениеті нысандарының 20-дан астам археологиялық қазындысы бар.
Жансая ҚАПАСҚЫЗЫ
