Жаңалықтарды Telegram арнамыздан оқыңыз!Орталық алаңға аялдаған әлемнің 30-дан астам елінің 100 шақты автокөлігін қала тұрғындары тамашалады. Шеруге қатысушылар, Қазақстан аумағымен биыл бірінші рет жүріп өтті. 1907-1976 жылдары шығарылған, бағасы миллион долларға дейін жететін автокөліктер шеруі - 2 маусым күні Бейжіңен басталды. Одан әрі, Моңғолия мен Ресейден өтіп Қазақстанға жеткен. Біздің елде Қостанайдан басқа Нұр-Сұлтан, Павлодар қалаларында болды. Биылғы сапар 35 күнге созылып, қатысушылар 15 мың шақырымды жүріп өтуі тиіс. Ретро ралли шеруі 7-ші шілде күні Париж қаласында мәреге жетеді.
Алай Насирдинов, ретро-раллидің ұйымдастырушысы:
Біз Пекиннен шыққанымызда шеру сапында 120 автокөлік болған. Қазір соның 100 шақтысы ғана қалды. Ссебебі көліктер өте ескі, көбіне 100 жылдан асқан, біраз автокөлік Монғолияда сынып қалды.
Дәуренбек ӘБДІБЕК
