Лондонда көп қабатты тұрғын үй өртеніп, 2 адам зардап шекті

Дәрігерлердің айтуынша, оларға иіс тиген, алайда денсаулықтарына қауіп төніп тұрған жоқ.

Тілсіз жау ғимараттың 6 қабатын жалмап кетті. Оны ауыздықтау үшін 100-ден астам өрт сөндіруші жұмылдырылған. Өрттің неден шыққаны әзірге белгісіз. Істің мән-жайы анықталып, тергеу жүргізіліп жатыр.

Айта кетсек, 2 жыл бұрын ел астанасындағы көп қабатты тұрғын үйлердің бірінде өрт шығып, 71 адам қаза тапқан еді. Сондықтан жергілікті билік тұрғын үйлердегі қауіпсіздікті күшейтіп, өрттің алдын алу шараларын қабылдауды тапсырды.

Жансая ҚАПАСҚЫЗЫ