АҚШ-та жасанды түсікке тыйым салынды

АҚШ-та Джорджия штатының губернаторы Брайан Кемп жасанды түсікке тыйым салатын заң қабылдады. Ол бойынша егер дәрігер ұрықтың жүрек соғуын байқаса, жүктілікті үзуге құқы жоқ. Кемп осылайша «ештеңе айта алмайтындарды» қорғаймыз деп отыр. Бұл заң зорлық-зомбылық жағдайы мен жүкті әйелдің денсаулығына қауіп төнгенде қолданылмайды. Алайда, оған қарсы шыққандар да табылды. Бұған дейін наразылық білдірушілер тыйым салу іске асса, штатқа бойкот жариялайтынын айтқан. Дегенмен, мұндай заң Миссисипи, Кентукки және Огайо штатында қабылданып, тағы бірнеше штатта қарастырылып жатыр.

Жансая ҚАПАСҚЫЗЫ