Жаңалықтарды Telegram арнамыздан оқыңыз!Ресей Мемлекеттік думасы бүгін «дербес интернет» туралы заңды екінші оқылымнан қабылдады. Бұл құжаттың мақсаты – Мәскеудің ғаламтордағы тәуелсіздігін нығайту, әлемдік желі өшіп қалғанда, Ресей интернетінің үздіксіз қызмет етуін қамтамасыз ету және шет мемлекеттердің федерация ішкі істеріне араласуына жол бермеу. Алайда, кейбір сыншылардың пікірінше, жаңа заң Ресейде интернетке мемлекеттік бақылауды күшейтіп, ой еркіндігін шектейді.
Жобаны 322 депутат қолдаса, 15-і оған қарсы дауыс берген. Бұл құжат Сенаттан өтіп, президенттің қолы қойылғаннан кейін биыл қарашаның 1-де өш күшіне енуі керек. Содан кейін провайдерлер өз сайттарына тосқауыл қоюшы құрылғы орнатуға тиіс болады. Оны мемлекет өз ақшасына сатып әперейін деп отыр.
Арыстан РЫСБЕК
