Әлем елдері жаңа Boeing 737 MAX8 ұшақтарын тексеруге кірісті - «Qazaqstan» Ұлттық телеарнасы

Әлем елдері жаңа Boeing 737 MAX8 ұшақтарын тексеруге кірісті

12.03.2019

Әлем елдері жаңа Boeing 737 MAX8 ұшақтарын тексеруге кірісті. Ал, Аргентина олардың ұшуына тыйым салған мемлекеттер қатарына қосылды. Мұны осы елдің ұшқыштар қауымдастығы мәлімдеді. Бұл шешімге Эфиопиядағы қайғылы оқиға себеп болған.

Аргентинаның жалғыз мемлекеттік әуе компаниясында MAX8 үлгісіндегі 5 «боинг» бар. Ал, жергілікті пилоттар азаматтық авиация басқармасынан қауіпсіздікті күшейтуді сұрап, ол лайнермен ұшудан бас тартқан. Осыған дейін мұндай ұшақтарға Эфиопия, Қытай, Индонезия және Моңғолия тыйым салған еді.

Жансая АЛЬЧЕМБАЕВА

Хабарламаларға жазылу