Трамп пен Ким Чен Ын келісімге келе алмады

Вьетнам астанасында АҚШ президенті Дональд Трамп пен Солтүстік Корея лидері Ким Чен Ын арасындағы саммиттің екінші раунды уақытынан бұрын аяқталды. Екі мемлекет басшылары ядролық қарусыздану мәселесі бойынша ортақ мәмілеге келмеген. Ортақ түскі ас та өткен жоқ. Саммиттен кейінгі баспасөз мәслихатында Трамп Ким Чен Ын санкцияларды толықтай алып тастауды талап еткенін мәлімдеді. Ақ үй басшысының сөзінше, бұл үшін Пхеньян алдымен біржақты түрде ядролық қарудан бас тартуы тиіс. Бұл талап өз кезегінде солтүстіккореялық тараптың көңілінен шықпаған.

Алғаш рет Ким мен Трамп былтыр маусымда Сингапурде кездесіп, Корей түбегін ядролық қарудан тазартуға қатысты жұмысты бастауға келіскен еді.

Арыстан РЫСБЕК