Рио-де-Жанейро көшелерін топан су басты

Бразилияның екінші ірі қаласы Рио-де-Жанейрода қатты дауыл соғып, жауын құйып, талай кварталды топан су жайлады. Сонымен қатар, көптеген ағаш құлаған. Желдің күштілігі сонша, автобустар аударылып, кемінде 5 адам қаза тапты. Көшелер өзенге айналғандықтан, көліктер жүре алмай жатыр. Ал, Ипанема және Копакабана курорттық аудандарына дауыл сағатына 110 шақырым жылдамдықпен соққы берген. Қала шетіндегі трущобаларда лай көшкінінен жолдар жабылды.

Айта кетсек, өткен айда Рио-де-Жанейро соңғы 97 жылдағы ең ыстық ауа райынан зардап шекті. Қаңтардың соңында мұнда күн 42 градусқа дейін ысыған.

Арыстан РЫСБЕК

«YouTube»-тағы «Qazaqstan TV» арнасына жазылып, AppStore және Google Play сервистерінен «Qazaqstan TV» мобильді қосымшасын тегін жүктеп алыңыз.