Жаңалықтарды Telegram арнамыздан оқыңыз!Иранның батысындағы Керманшах провинциясында зілзаладан зардап шеккендер саны 729-ға жетті. Олар елдің Гилянгарб, Каср және Ширин қалаларының тұрғындары. Мұны жергілікті Press TV телеарнасы хабарлап отыр. Жеңіл-желпі жараланған 700-дей адам емделіп, дәрігерлердің қарауынан босатылды. 18-і госпитальде жатыр.
Қуаты 6,3 балдық дүмпу Иран-Ирак шекарасында 10 шақырым тереңдікте болған. Оның эпицентрі Ирак астанасы Бағдаттан солтүстік-шығысқа қарай 150 шақырым жерде анықталды. Тағы бір деректерге қарағанда, Ирак Күрдістаны аумағында зілзаладан 1 адам қаза тауып, 43-і жапа шеккен. Апат болған аудандарда құтқарушылар жұмыс істеп жатыр.
Арай ТӨЛЕГЕНҚЫЗЫ
«YouTube»-тағы «Qazaqstan TV» арнасына жазылып, AppStore және Google Play сервистерінен «Qazaqstan TV» мобильді қосымшасын тегін жүктеп алыңыз.
