Индонезияда құлаған ұшақтың «қара жәшіктері» табылды

Индонезияда құлаған ұшақтың «қара жәшіктері» табылды. Алайда, ондағы мәліметтерді көшіріп, сараптау үшін жалпы алғанда 6 айдан астам уақыт кетуі мүмкін. Сол деректер бортында 189 адам болған лайнердің неліктен апатқа ұшырағанын айқындап беруі керек.

Олардың тума-туыстары үшін қазір жақындарының денесін тауып, жер қойнына тапсыру маңызды. Әзірге, бір марқұмның денесі анықталды. Джакартадан 1 сағаттық жердегі Панкалпинанг қаласына бағыт алған ұшақ дүйсенбінің таңында Ява теңізіне құлады. Ал, оның алдында пилот диспетчерлерден әуежайға қайта оралуға рұқсат сұраған екен.

Арай ТӨЛЕГЕНҚЫЗЫ

«YouTube»-тағы «Qazaqstan TV» арнасына жазылып, AppStore және Google Play сервистерінен «Qazaqstan TV» мобильді қосымшасын тегін жүктеп алыңыз.