Жаңалықтарды Telegram арнамыздан оқыңыз!Эквадор өзінің Лондондағы елшілігінде жасырынып отырған Джулиан Ассанжды АҚШ полициясына тапсырмақ. Мұны Ассанждың өзі телеконференция арқылы мәлімдеді. Атышулы «Викиликс» сайтының негізін қалаған Ассанж бұл дипломатиялық миссияда 6 жылдан бері тұрып жатыр.
Ал, Эквадор үкіметі одан дәрі-дәрмекке, телефон байланысына және мысығын бағуға кеткен шығындарды қайтаруды талап етіп отыр. Жалпы алғанда, Ассанж алты жылда Эквадорға 6 миллион доллар қарыз болып қалған.
Айта кетсек, Эквадор басшылығы Ассанждың әлем елдеріндегі кейбір саяси мәселелерге пікір айтқанына наразы.
Джулиан Ассанж АҚШ-тың Орталық барлау басқармасының мыңдаған құпия мәліметін жариялағаны үшін Вашингтонның қаһарына ілікті. Ал, Британ үкіметі оны кепілдік туралы ережені бұзғаны үшін айыптап, жауапқа тартқысы келеді.
Арыстан РЫСБЕК
«YouTube»-тағы «Qazaqstan TV» арнасына жазылып, AppStore және Google Play сервистерінен «Qazaqstan TV» мобильді қосымшасын тегін жүктеп алыңыз.
