АҚШ-та орман өртінен жүздеген үйге қауіп төнді - «Qazaqstan» Ұлттық телеарнасы

АҚШ-та орман өртінен жүздеген үйге қауіп төнді

24.09.2018

АҚШ-тың Вайоминг штатында орман өрті өршіп, жүздеген адам үйлерін тастап кетуге мәжбүр. Қауіп төнген аудандардан тұрғындар жаппай көшіріліп жатыр. Соңғы деректер бойынша тілсіз жау туристер көптеп баратын Гранд Тетон мен Йеллоустон ұлттық саябағына жақын аймақтарға жетті. Ал, Рузвельт өңірінде 40 мың гектар егістік алқабы күлге айналған. Қазір орман өртіне нақты не себеп болғаны белгісіз.

Айта кетсек, күз басталғалы, Вайомингте мұндай оқиға осымен үшінші рет болып жатыр. Жергілікті биліктің мәлімдеуінше, лапылдаған жалынды сөндіруге жүздеген  өрт сөндіруші жұмылдырылды.

 

Мақпал СЕРЖАНҚЫЗЫ

«YouTube»-тағы «Qazaqstan TV» арнасына жазылып, AppStore және Google Play сервистерінен «Qazaqstan TV» мобильді қосымшасын тегін жүктеп алыңыз.

Хабарламаларға жазылу