Жаңалықтарды Telegram арнамыздан оқыңыз!Ливия астанасы Триполиде бір топ жанкешті сайлау комиссиясының ғимаратына шабуыл жасап, 12 адамды мерт қылды. Қастандықты аз уақыттан соң «ДАИШ» тобы өз мойнына алған.
Шабуылдан кейін экстремистер ғимаратқа өрт қойды. Мекеме өкілдерінің сөзінше, оққа ұшып, құрбан болғандардың ішінде ерлер де, әйелдер де бар.
Болжамдарға қарағанда, бұл қантөгістің мақсаты – жыл соңына жоспарланған парламенттік сайлауға әзірлікті тоқтату болса керек.
Елді біріктіру мен тұрақтандыруға бағытталған сайлаудың ай-күні әзірге белгісіз. Бірақ, қазірдің өзінде бір миллиондай адам дауыс беруге тіркеліп қойған.
Арыстан РЫСБЕК
«Qazaqstan TV» мобильді қосымшасын AppStore және Play Market сервистерінен тегін жүктеп алыңыз.
