Лимадағы шеру өрши түсті - «Qazaqstan» Ұлттық телеарнасы

Лимадағы шеру өрши түсті

29.12.2017

Перудегі жағдай өршіп барады. Ел астанасы Лимада бұрынғы президент Альберто Фухимориге рақымшылық жасалғанына қарсы шеруге қатысушылардың саны 30 мыңға жетті. Демонстранттар қаланың орталық алаңына жиналып, ашуға ерік беріп, полициямен қақтығысты. Кейбір манифестанттар тұтқынға алынған.

Айта кетсек, Перудің бұрынғы лидері 2009 жылы жемқорлық үшін және бірнеше адамды өлтірді деген айыппен 25 жылға сотталған. Қазіргі президент Педро Пабло Кучински оған денсаулығына байланысты рақымшылық жасап, абақтыдан босатқан.  

Мақпал СЕРЖАНҚЫЗЫ

Хабарламаларға жазылу