Гарри ханзада Обамадан сұхбат алды - «Qazaqstan» Ұлттық телеарнасы

Гарри ханзада Обамадан сұхбат алды

27.12.2017

АҚШ-тың экс-президенті Барак Обама Ақ үйден кеткеннен кейінгі алғашқы сұхбатын «ВВС» радиосының «Бүгін» бағдарламасына берген. Бұл әңгіме қыркүйекте жазылғанымен, енді ғана әуе толқынына шығып отыр. Обамаға сұрақты бағдарламаға шақырылған жүргізуші Гарри ханзада қойды. Американың бұрынғы президентінің ойынша, әлеуметтік желілерді жауапсыз пайдалану қауіпті. Сонымен қатар, мұндай әрекет жалған ақпараттың тарауына әсер етіп, адамдардың күрделі қоғамдық-саяси үрдістерге қатысты түсінігін бұрмалайды.

Айта кетсек, АҚШ -тың қазіргі президенті Дональд Трамп «Твиттер» желісін қолданады. Барак Обаманың сөзінше, биліктегі адамдар әлеуметтік желілерге хабарлама жазғанда өте абай болғаны абзал.

 

Арай ТӨЛЕГЕНҚЫЗЫ

Хабарламаларға жазылу