Жаңалықтарды Telegram арнамыздан оқыңыз!Мұны бүгін «Эм-си-фи» ұйымы мәлімдеді. Оның зерттеуіне жүгінсек, құрбандардың 730-ы – бала.
Бірақ, бұған дейін Мьянма армиясы 400-дей адам мерт болып, олардың бәрі – террористер деп жариялады.
Гуманитарлық ұйымдардың мәліметінше, рохинджалар тамыздың 25-і мен қыркүйектің 24-і аралығында қырғынға ұшыратылды. Алайда, жергілікті үкімет мұны жоққа шығарып келеді.
Айта кетсек, Мьянманың Ракхайн штатында қауіпсіздік күштері мен буддистердің шабуылдарынан көрші Бангладешке тамыздан бері 647 мыңдай мұсылман қашты.
Арыстан РЫСБЕК
