Жаңалықтарды Telegram арнамыздан оқыңыз!АҚШ-тың Калифорния штатында алапат орман өртінен 600-ге жуық үйге қауіп төнді. Апаттық жағдайға байланысты Лос-Анджелес қаласының маңындағы колледж бен мектеп жабылып, 390-ға жуық студент қауіпсіз жерге көшірілген. «Reuters» агенттігінің хабарлауынша, қаланың солтүстік-батысында шамамен 13 мың гектар жер лапылдаған оттың астында қалды. Сондай-ақ, екі ғимарат өртенген. Кей аудандарда электр сымдары зақымданып, жарық сөнді. Қауіп төнген жерлерде жолдар жабылды.
Өрттің өршуіне сағатына 115 шақырым жылдамдықпен соққан жел себепкер болып отыр. Ұлттық метеорология қызметінің хабарлауынша, мұндай екпінді жел бір аптаға созылуы мүмкін.
Мақпал СЕРЖАНҚЫЗЫ
