Сирияның Дейр-эз-Зор қаласы «ДАИШ»-тан босатылды

Сирияның Дейр-эз-Зор қаласын үкімет әскері «ДАИШ»-тан толық босатты. Бұл туралы елдің мемлекеттік телеарнасы хабарлап отыр. Таяуда Сирия армиясы бұл лаңкестік топқа қарсы бірқатар сәтті операциялар жүргізіп, бірнеше ауданға бақылау орнатқан. Ал, ресейлік 6 бомбалаушы ұшақ Абу-Кемаль қаласының маңында «ДАИШ»-тың  нысандарына әуеден  соққы берді.

Дейр-әз-Зор бұл экстремистік ұйым қарамағындағы соңғы ірі бекініс еді. Оны «ДАИШ» 2014 жылы басып алған болатын.

Мақпал СЕРЖАНҚЫЗЫ