Мадридте Ұлттық күнге орай әскери парад өтті

Испания астанасы Мадридте Ұлттық күнге орай әскери парад өтті. Оған король Филипп VI қатысты.

Сонымен қатар, шеруді көруге елдің түкпір-түкпірінен дүйім жұрт жиналған. Олар ұлттық  туды ұстап, елдің бірлігін көрсетті. Кеше Испания үкіметі Каталония басшылығына тәуелсіздіктен бас тартуға 8 күн уақыт берді. Егер ол талап орындалмаса, конституцияның 155-ші бабы іске қосылып, бұл аймақ автономиялық мәртебесінен де айырылып қалуы мүмкін.

Естеріңізге салсақ, қазанның 1-де Каталонияда тәуелсіздік референдумы өтіп, электораттың 90 пайызы Испаниядан бөлінуді қолдады. Бірақ, сол плебисцитке дауыс беруге құқығы бар тұрғындардың 43 пайызы ғана қатысқан.

Мақпал СЕРЖАНҚЫЗЫ