Дейр-әз-Зордан мыңдаған адам қашты

Сирияның Дейр-әз-Зор қаласынан мыңдаған адам қашты. Өйткені, онда үкімет әскері «ДАИШ» тобына қарсы ауқымды операция жүргізіп жатыр.

Жергілікті ақпарат құралдарының хабарлауынша, 27 мыңдай тұрғын  Хасака шаһары маңындағы лагерьге орналасқан. Алайда, ол жерде босқындарға шатыр жетіспей жатыр.

Армия Дейр-әз-Зорға бірнеше айға созылған ұрыстың нәтижесінде қыркүйекте жетті. Бірақ, «Рейтер» агенттігінің хабарлауынша, экстремистер өткен аптада қарсы шабуылға кірісіп, қалаға батыстан құрал-жабдық жеткізуге кедергі жасап отыр.

Арыстан РЫСБЕК