Солтүстік Ирактағы күрдтердің 93 пайызы тәуелсіздікке дауыс берді - «Qazaqstan» Ұлттық телеарнасы

Солтүстік Ирактағы күрдтердің 93 пайызы тәуелсіздікке дауыс берді

28.09.2017

Солтүстік Ирактағы күрдтердің референдумда 93 пайызға жуығы тәуелсіздікке дауыс берді. Ал, 7,7 пайызы жеке мемлекет болуды қолдамаған.

Мұны Күрдістан автономиясындағы Сайлау және Референдум жөніндегі жоғары комиссия басшысы Хиндрин Мохаммед мәлімдеді. Оның сөзінше, дауыс беруге электораттың 72 пайызы немесе 3 миллион 300 мыңдай адам қатысты.

Бұған наразылық ретінде Ирак парламенті үкіметке Күрдістан аумағына әскер жіберіп, мұнай кеніштерін бақылауға алу тұралы ұсыныс айтты. Сонымен қатар, ресми Бағдад бұл аймақтың көрші елдермен арадағы шекарасын жауып, халықаралық әуежайларын өз қарамағына алмақ.

Арыстан РЫСБЕК

Хабарламаларға жазылу