Үндістанда су тасқынымен күреске 77,7 млн. доллар бөлінбек

Үндістанның Гүджарат штатында төтенше жағдай. Өңірді су тасқыны жайлаған. Елдің үкімет басшысы Нарендра Моди штатты апаттан құтқару үшін 77,7 млн. доллар бөлінетінін мәлімдеді. Премьер-министр осы штатта дүниеге келген. Гүджаратта көшелер өзенге айналып, баспаналар су астында қалды. Мыңдаған адам үйлерінен айырылды. Елде бірнеше күн болды үздіксіз жауған нөсер соңы тасқынға айналып жатыр. Осы уақытқа дейін табиғи апаттан Гүджарат пен Ассам штаттарында 130-дай адам құрбан болды.

Арай ТӨЛЕГЕНҚЫЗЫ