АҚШ «Сирия үкіметі жаңа химиялық шабуылға дайындалып жатыр» деп мәлімдеді - «Qazaqstan» Ұлттық телеарнасы

АҚШ «Сирия үкіметі жаңа химиялық шабуылға дайындалып жатыр» деп мәлімдеді

27.06.2017

Бұл расталса Ақ үй Башар Асад пен оның әскері жазасын тартады деп ескертіп отыр. Трамп әкімшілігінің байқауынша, Сирия режимі сәуірдің 4-де Хан-Шейхунға жасалған химиялық шабуыл алдындағы дайындықты қайталап жатқанға ұқсайды. Сол кезде көтерілісшілер бақылауындағы ауданда қауіпті газбен 87 адам уланып, жан тапсырған еді. Құрбандардың арасында балалар көп болды. Сирия оппозициясы сол шабуыл үшін үкіметтік күштерді айыптады. Алайда,  Асад бұл қылмысқа өз әскерінің қатысы жоқ деп мәлімдеді.

 

Арай ТӨЛЕГЕНҚЫЗЫ

Хабарламаларға жазылу