Мәскеу қаласында «Атомэкспо»  халықаралық форумы өтіп жатыр

Бұл шара - атом энергетикасы саласындағы әлемдік көшбасшы компанияларға өзара келіссөздер жүргізіп, шығарған соңғы өнімдерін көрмеге қоюға мүмкіндік береді. Форумға, «Қазатомпром» бастаған бірқатар қазақстандық компаниялар да қатысып жатыр. Жиын барысында, әлемнің маңдайалды ғалымдары мен сарапшылары және алпауыт компания басшылары, атом саласының келешектегі даму бағыттары жөнінде пікір алмасады.

Атом өндірісі бойынша Ресей тарапымен қоян-қолтық жұмыс істейтін отандық кәсіпорындар үшін бұл форумның маңызы зор. Қазақстандық компаниялар «Атомэкспоның» аясында әлемдегі заманауи ядролық технологиялармен танысып, кадр дайындау ісіне қатысты келіссөздер жүргізді. Соның нәтижесі бойынша, бірқатар нақты құжаттарға қол қойылды. 

Нұртас СОЛТАНҰЛЫ