Түркия Жоғарғы сайлау кеңесі Конституциялық референдум нәтижесін қайта қараудан бас тартты - «Qazaqstan» Ұлттық телеарнасы

Түркия Жоғарғы сайлау кеңесі Конституциялық референдум нәтижесін қайта қараудан бас тартты

20.04.2017

Түркия Жоғарғы сайлау кеңесі Конституциялық референдум нәтижесін қайта қараудан бас тартты. Ресми мәліметтерге қарағанда, оппозицияның апелляция туралы өтінішіне кеңестің 1 мүшесі оң дауыс беріп, 10-ы қарсы болған. Бұл шешімнен кейін Стамбулда жүздеген адам наразылық акциясын ұйымдастырды. Олар қолдарына Мұстафа Кемал Ататүрік суреттерін алып, президент Реджеп Тайып Ердоғанға қарсы ұрандатты. Бейбіт шеру кезінде 20 шақты адам ұсталған. Естеріңізге сала кетейік, сәуірдің 16-да Түркияда парламенттік биліктен президенттік басқару жүйесіне көшу туралы референдум өткен еді. Соның нәтижесінде Реджеп Тайып Ердоғанның шексіз билікке ие болуын халықтың 51 пайызы қолдап, 49 пайызы қарсы болған еді.

Фариза МҰСАҚЫЗЫ

Хабарламаларға жазылу