Жаңалықтарды Telegram арнамыздан оқыңыз!Түрік оппозициясы жексенбідегі референдум қорытындысын жою туралы шағымды ресми түрде сотқа бүгін береді. Мұны Халықтық Республикалық партия төрағасының орынбасары Бүлент Терджан мәлімдеді. Сондай-ақ, ол қажет болса, Еуропа адам құқығы сотына да арызданатынын ескертті.
Сонымен қатар, Стамбулда референдум нәтижесімен келіспеген жүздеген адам шеруге шықты. Ал, австриялық бақылаушы Алев Корунның есебінше, жәшіктерге 2,5 миллионнан астам жалған бюллетен тасталса керек. Бірақ, Премьер-министр Бинали Йылдырымның сөзінше, мұндай уәждер референдум қорытындысына күмән келтіру үшін әдейі айтылып отыр.
Арыстан РЫСБЕК
