Венесуэлада инфляция 2 есе артуы мүмкін - «Qazaqstan» Ұлттық телеарнасы

Венесуэлада инфляция 2 есе артуы мүмкін

04.02.2016
Венесуэлада инфляция 2 есе артуы мүмкін
Халықаралық валюта қорының болжамы осындай.

Биыл Венесуэлада инфляция деңгейі екі есеге артып, 720 пайызға жетуі мүмкін. Халықаралық валюта қорының болжамы осындай. Былтыр үшінші тоқсанда бұл елде жылдық инфляция 141,5 пайызға жетіп, жалпы ішкі өнім 7,1 пайызға қысқарған.

Жағдайдың қиындағаны сонша, қаңтардың 15-де президент Николас Мадуро күллі ел аумағында 60 күнге төтенше экономикалық жағдай жариялады. Экономикалық дағдарыс халықтың сатып алу мүмкіндігін азайтып, азық-түлік пен өзге де тұрмысқа қажетті заттарды тапшы етіп отыр.

Осындай ең қажетті тауар өндіретін кәсіпорындар шикізатқа зәру. Сондықтан, зауыттар мен фабрикалар тоқтап, жұмыс орындары жабылып жатыр.

Арай ТӨЛЕГЕНҚЫЗЫ

Хабарламаларға жазылу