Жаңалықтарды Telegram арнамыздан оқыңыз!
Ауғанстанның Герат провинциясында тәліптер 11 адамды президенттік сайлаудың екінші кезеңінде дауыс беруге қатысқаны үшін жазалады.
Қылмыскерлер олардың дауыс беру кезінде арнайы сия жағылған сұқ саусақтарын шауып тастаған. Елдің Ішкі істер министрлігінің мәліметінше, жапа шеккендердің бәрі ауруханаға жеткізіліп, оларға қажетті көмек көрсетілуде.
Жалпы, сайлау күні тәліптер ел аумағында 150-дей шабуыл ұйымдастырып, 46 адамды өлтірген. Миллиондаған тұрғын тәліптерден қорқып, дауыс беруге қатыспаған.
Қазіргі президент Хамид Карзайдың ізбасарын анықтайтын саяси доданың нақты қорытындысы шілденің 22-де белгілі болады.
Арай ТӨЛЕГЕНҚЫЗЫ
