Пагуош конференциясының қорытындысы бойынша Астана декларациясы қабылданады

Қазақстан Тәуелсіздік алған сәттен бастап халықаралық міндеттемелерді мүлтіксіз орындап, қауіпсіздік саласына сүбелі үлес қосып келеді. Сондықтан, әлемдік қоғамдастық ядролық қаруға қарсы қозғалыстың көшбасшысы деп таниды. Астанада өтіп жатқан 62-ші Пагуош конференциясына жиналған 50-ден астам елдің сарапшылары осындай пікір білдіруде. «Жаңа ядролық қауіппен түйісу» деген тақырыптағы жиынның біздің елде ұйымдастырылуы тегін емес. Суық қаруды түбегейлі жоюды насихаттайтын Пагуош қозғалысы бүгінде Қазақстанды бейбітшілік пен татулықты ұстанған мемлекет ретінде мойындайды. 4 күнге жалғасатын жиынның қорытындысы бойынша Астана декларациясы қабылданбақшы.

Шынар АСАНҚЫЗЫ