Парламенттің рөлін арттыру үшін арнайы институт енгізу қажет

Билік өкілеттіліктерін қайта бөлу, оның ішінде Парламент құзыретінің артуы - елдегі саяси партиялар үшін мүмкіндік. Бүгін «Ауыл» халықтық-демократиялық патриоттық партиясы заң саласындағы сарапшылар мен ғалымдардың басын қосып, пікірлерін білді. Жиын нәтижесінде «ауылдықтар» өзгерістерге қатысты алты ұсыныс айтты. «Мәселен, Парламенттің рөлін, беделін арттыра түсу үшін Парламенттік тексеру институтын енгізу керек», - дейді. Сондай-ақ, ел азаматтарының құқығын қорғауы тиіс құзырлы қызметтердің басшыларын тағайындауды да Мәжіліске міндеттеуді ұсынды.

Алмат ӘБДІРАМАН