Оралда аймақтық сарапшылар форумы өтті

«Бес институционалдық реформа – тиімді дамуға қарай бес қадам». Орал қаласында осындай тақырыппен аймақтық сарапшылар форумы өтті. Тәуелсіздік жылдары еліміз елеулі жетістіктерге жетті. Бірақ бұл дамудың шегі емес. Елбасы ұсынған бес бағыт ілгері жылжудың өзегі болмақшы. Реформалар заң үстемдігі, мемлекеттік қызметтің сапасын арттыру, экономикалық даму және ұлтты ұйыстыруға бағытталған. Мұның бәрі түптеп келгенде осы заманға лайықты мемлекет құруға негіз болады.

Сарапшылар форумын еліміздің әр аймағында өткізу көзделген. Мұндағы мақсат - жергілікті жердегі ұсыныс-тілектерді ескере отырып, маңызды құжат қабылдағанда назарға алу.

Рауан ДИӘЛИ