Еуропалық одақ Қазақстанның мемлекеттік қызмет саласына жоғары баға берді - «Qazaqstan» Ұлттық телеарнасы

Еуропалық одақ Қазақстанның мемлекеттік қызмет саласына жоғары баға берді

25.06.2014
Еуропалық одақ Қазақстанның мемлекеттік қызмет саласына жоғары баға берді
Еуропалық одақ Қазақстанның мемлекеттік қызмет саласындағы жетістіктеріне жоғары баға берді.
 
Бұл туралы одақ өкілдері Брюссельде қазақстандық делегациямен кездесу барысында мәлімдеді.
 
Президент Әкімшілігі, еліміздің Мемлекеттік қызмет істері агенттігі мен бұқаралық ақпарат құралдарынан құралған делегация Бельгия астанасына «кәрі құрлық» елдерінің мемлекеттік қызмет саласындағы озық тәжірибесімен танысуға келген.
 
Сапар барысында делегация өкілдері  «Europarl TV» телеарнасының жұмысымен танысты әрі мемлекеттік органдар мен БАҚ арасындағы ықпалдастық, мемлекеттік органдардың ашықтығы мәселелерін талқылады.
 
Джордж Касиматис, «Europarl TV» телеарнасының басшысы:
Қазақстан - аймақтағы көшбасшы мемлекет. Президенттеріңіз елдің дамуы үшін қыруар еңбек атқарып жүр. Сондықтан, біз үшін қазақстандық делегациямен кездесудің маңызы зор. Еуропарламент алдағы 5 жылда экономикалық даму, жұмыссыздықпен күресті күшейтіп, энергетикалық қауіпсіздік мәселелеріне басымдық береді. Энергетикалық қауіпсіздікті қамтамасыз етуде біз Қазақстанның көмегіне жүгінеміз. Яғни, алда талай біріккен жобаны жүзеге асырамыз, деген сенімдемін.
 
Нұрсұлу ҚАСЫМ
 

Хабарламаларға жазылу