Халық тұтынатын қарапайым заттардың барлығы өз елімізде өндірілуі тиіс. Елімізде осындай мақсатқа негізделген жеңілдетілген бағдарлама басталды. «Қазынадан 600 миллиард теңге бөлінген болатын, оның 55 миллиарды игерілді»,-деді мамандар. Өйткені бағдарлама шарттары жеңіл. 7 жылға дейін 6 пайыздық мөлшерлемемен беріліп жатыр. Бұл бастама нарықтан импорттық өнімдерді ығыстыруға мүмкіндік бермек. Қазіргі күні сырттан келетін өнімдердің үлесі 60 пайызға жуық. Ал оны алдағы 6 жылда 1,5 есеге дейін азайту жоспарлануда. Сонымен қатар 16 мың тұрақты жұмыс орны ашылмақ.
Бейсен Жолболдиев, Нұр-Сұлтан қаласының аймақтық кәсіпкерлер палатасы директорының орынбасары:
Бұл жерде 400-ге жуық тауар түрлері бар. Бұл жаңағы киім-кешектер, тамақ, барлық салалар қарастырылған. Жалпы халық тұтынатын тауарлар.
Асима НҰРБАЙҚЫЗЫ