Арыста жарылыстан зақым келген үйлердің 91 пайызға жуығы жөнделіп бітті

13.08.2019

Арыста жарылыстан зақым келген үйлердің 91 пайызға жуығы жөнделіп бітті. Кей тұрғындардың келісім бермеуіне байланысты 53 баспананың құрылысы басталмай тұр. Бұл туралы Индустрия және инфрақұрылымдық даму бірінші вице-министрі Қайырбек Өскенбаев мәлімдеді.  Арыстағы жалпы тұрғын үй саны – 8 634. Жалыстардан соның 7197-не зақым келген.  Ал мүлде тұруға жарамсыз болып қалған  433 баспана қайта салынуда. Бүгінге дейін 6924 үй жөнделіп, тұрғындарға табысталды. Әкімдіктегілердің айтуынша, арыстықтар ертеңнен бастап 100 мың теңге өтемақы ала бастайды. Ол үшін 57 мың 171 тұрғынның мекенжайы расталып, кәмелетке толғандардың бәріне төлем карталары таратылған. Қала аумағына 18 банкомат орнатылған.

Гүлжазира ҒАЛИҚЫЗЫ

 

Хабарламаларға жазылу