1-қыркүйектен бастап мүлікті жария ету науқаны басталады - «Qazaqstan» Ұлттық телеарнасы

1-қыркүйектен бастап мүлікті жария ету науқаны басталады

28.07.2014
1-қыркүйектен бастап мүлікті жария ету науқаны басталады

Биыл 1-қыркүйектен бастап, бүкіл ел аумағында мүлікті жария ету науқаны басталады.

Нәтижесінде қолда бар мүлікке рақымшылық жасауға және заңды түрде айналымға енгізуге мүмкіндік тумақ.

Экономикалық сарапшылар науқан барысында  2,2 триллион теңге немесе 12 миллиард АҚШ доллары көлеміндегі мүлік жария етіледі, деп болжауда.

Жария етудің негізгі мақсаты - елдің экономикалық айналымына қосымша қаржы тарту. Әлемдік тәжірибе бойынша жария етілген капиталдың 1 пайызы бюджетке құйылады.

Сондай-ақ, шетелде орналасқан мүлікті жария ету үшін мемлекет бюджетіне сол мүлік құнынан 10 пайызы түседі.

Ал, халыққа пайдалы жағы - жария етілген мүлікке табыс салығы салынбайды және мұндай субъектілер заңмен қудаланбайды.

 

Шынар АСАНҚЫЗЫ

Хабарламаларға жазылу