Жаңалықтарды Telegram арнамыздан оқыңыз!Энергетика министрі Қанат Бозымбаев шетелдік инвесторлармен Дунга кен орны бойынша құжаттарға қол қойды. Құжат аясында Дунга кен орнының өнімін бөлу туралы келісімшарттың жарамдылық мерзімі 2024-жылдан 2039 жылға дейін 15 жылға ұзартылмақ. Бұл қосымша 9 миллион тонна мұнай өндіруге мүмкіндік бермек. Тараптар, сонымен қатар, Дунга кен орнын игерудің 3 фазасын іске асыру туралы келісімге келді. Оның аясында компаниялар 300 миллион доллар қаражат құяды. Бұл дегеніміз — мұнай өндіруді жылына 600 мың тоннадан 850 мың тоннаға дейін ең жоғарғы деңгейге жеткізіледі деген сөз.
Сәуле АЛДАМҰРАТҚЫЗЫ
