Жаңалықтарды Telegram арнамыздан оқыңыз!Мұнда 160 гектар аумақта алма бағы жайқалып өсіп келеді. 2 жылдан бері лимон да жеміс беруде. Былтыр 100 келі лимон терілді. Биыл өнім көлемін 1 тоннадан асыру көзделіп отыр. Жұмыс барысымен танысқан халық қалаулылары жаңадан қабылданған заңдарды кәсіпкерлердің қаперіне салды.
Кейін мәжілісмендер өткен жылы ел игілігіне берілген ұзындығы – 860 метрлік ерекше әдіспен салынған көпірді көрді. 180 тонна салмақты көтеретін алып нысан тұрғындардың екі аралыққа қиындықсыз қатынауы үшін әдейілеп тұрғызылған.
Бақтықожа Ізмұхамбетов, ҚР Парламенті Мәжілісінің депутаты:
- Бізге көптеген ұсыныстар жасалынды. Сұрақтар қойылды. Міне, осының бәрін жинақтап, барғаннан кейін біз болашақта кейбір керекті заңдарға толықтырулар мен өзгерістер енгізетін боламыз.
Жандос ТЕМІРҒАЛИ
