Астанадағы №15 мектеп-лицейінде қайырымдылық акциясы ұйымдастырылды - «Qazaqstan» Ұлттық телеарнасы

Астанадағы №15 мектеп-лицейінде қайырымдылық акциясы ұйымдастырылды

20.02.2019

Шараға мектептің қамқорлық кеңесі мен ата-аналар комитеті атсалысқан. Ол жерде жағдайы төмен, ата-ананың қамқорлығынсыз қалған, көпбалалы отбасыдан шыққан мектеп оқушыларына көмек көрсетілді.

Ұйымдастырушылар «Жақсылық жаса» ұранымен арнайы қаржы жинап, жиналған қаражатқа оқушыларға қыстық киімдер табыс етті. 

Ғалия Омашева, №15 мектеп-лицейі директорының орынбасары:

- Біздің мектебімізде отбасы жағдайы төмен санатына жататын оқушылар саны - 30, әке-шешесінің қамқорлығынсыз қалған балалар саны - 6. Осы 36 балаға жыл сайын көмегімізді көрсетеміз. Мектеп ұжымының атынан қамқорлық кеңесі мен ата-аналар комитетіне алғысымызды білдіреміз.

Оңғар АЛПЫСБАЙҰЛЫ

«YouTube»-тағы «Qazaqstan TV» арнасына жазылып, AppStore және Google Play сервистерінен «Qazaqstan TV» мобильді қосымшасын тегін жүктеп алыңыз.

Хабарламаларға жазылу